ಚಿಕೇನಕೊಪ್ಪದ ಹಿರೇಮಠಕ್ಕೆ ಜಗದ್ಗುರು ಪಂಚಪೀಠಾಧೀಶರರುಗಳೆಲ್ಲರ ಕೃಪಾಶೀರ್ವಾದ ಸದಾ ದೊರೆಯುತ್ತಲಿದೆ. ಕೊಪ್ಪಳ ಗವಿಮಠ ಪೂಜ್ಯ ಶ್ರೀಗಳವರ, ಬಳ್ಳಾರಿ ಸಕ್ಕರಿ ಕರಡೀಶರವರ, ಎಮ್ಮಿಗನೂರಿನ ಜಡೆ ತಾತನವರ, ಕೋಡಿಕೊಪ್ಪದ ವೀರಪ್ಪಜ್ಜನವರು ಅಲ್ಲದೆ ಇನ್ನಿತರ ಅನೇಕ ಹರ-ಗುರು-ಚರಮೂರ್ತಿಗಳ ದಿವ್ಯಂತ: ಕರುಣ ದೈವದತ್ತ ಕೊಡುಗೆಯಂತೆ ದೊರೆಯುತ್ತ ಬಂದಿದೆ. ಅದಕ್ಕೆಂದೇ ಮಠದಲ್ಲಾಗಿ ಹೋದವರೆಲ್ಲಾ ಮಹಾಮಹಿಮರಾಗಿ ಬೆಳಗಿದರು. ಚಿತ್ರದುರ್ಗದ ಮಠಕ್ಕೆ ಶಲವಡಿಯ ಮಠಕ್ಕೆ ಈ ಹಿರೇಮಠದವರೇ ಪೀಠಾಧಿಕಾರಿಗಳಾಗಿ ಹೆಸರಾದರು.

ಸಿದ್ದಲಿಂಗಯ್ಯನವರು ವೀರವಿರಾಗಿಗಳಾಗಿ ಸ್ವಾತಂತ್ರ್ಯಹೋರಾಟಗಾರರಾಗಿ ಶಂಭುಲಿಂಗಾಶ್ರಮ ಜ್ಞಾಪಕರಾಗಿದ್ದವರು ಗುಗ್ಗಳ ಮಹಾಂತಪ್ರಜ್ಞನವರೂ ಕೂಡಾ ತಮ್ಮದೇ ಆದ ಪ್ರಭೆಯಿಂದ ಜನ-ಮನದಲ್ಲಿ ತಾಶ್ವತರಾಗಿ ಉಳಿದಿದ್ದಾರೆ. ಉಳಿದವರು ಸಂಸಾರಿಕರಾದರೂ ಸನ್ಮಾರ್ಗಿಗಳಾಗಿ ಸಾಧು ಸ್ವಭಾವದಿಂದ ಊರಿಗೆಲ್ಲ ಬೇಕಾದವರಾಗಿದ್ದರು. ಗತಿಸಿದ ಹಿರಿಯರ ಗದ್ದುಗಗಳೆಲ್ಲ ಮಠದಂಗಳದಲ್ಲಿದ್ದು ನಿತ್ಯ ಪೂಜೆಗೊಳ್ಳುತ್ತಲಿವೆ. ಲೌಕಿಕ ಮತ್ತು ಪಾರಮಾರ್ಥಿಕಗಳೆರಡನ್ನೂ ಸರಿಸಮಾನವಾಗಿ ಕಂಡುಂಡ ಗಮಗೆಯೊಳಡಗಿದ ಮಹಾತ್ಮರು ನಂಬಿದ ಭಕ್ತರಿಗೆ ಭಾವದಂತೆ ಫಲವನ್ನೀಯುತ್ತಿರುವರು. ಗಂಡು ಮಕ್ಕಳಷ್ಟೇ ಅಲ್ಲ, ಹೆಣ್ಣು ಮಕ್ಕಳೂ ಸಹಿತ ಶಿವಪೂಜಾ ನಿಷ್ಠರೂ, ಅಧ್ಯಾತ್ಮವಾದಿಗಳೂ ಆಗಿ ಭಕ್ತರ ಕಷ್ಟ-ಸುಖಗಳಲ್ಲಿ ಪಾಲುದಾರರಾಗಿರುತ್ತಿದ್ದರು.

ಸಿದ್ದಲಿಂಗಮ್ಮರ ಒಂದು ಘಟನೆ ಹಿರೇಮಠಕ್ಕೆ ಭೂಷಣಪ್ರಾಯವಾಗಿದೆ. ಒಂದು ವರ್ಷ ಆತೀ ದೃಷ್ಟಿಯಾಗಿ ಮಳೆಯ ಜಲಧಾರೆ ನಿಲ್ಲದಾಯಿತು. ಎಲ್ಲೆಲ್ಲೂ ನೀರೇ ನೀರಾಗಿ ಕೆರೆ ತುಂಬಿತು. ಕೆರೆಗೆ ಹರಿದು ಬರುವ ನೀರಿನ ಪ್ರವಾಹ ಹೆಚ್ಚಿದಾಗ ಅದರ ಒದ್ದು ಊರ ಕಡೆಗೆ ಕೊರದು ನೀರು ಹೊರ ಹೋಗತೊಡಗಿತು.